ന്യൂഡല്‍ഹി: ഡി.ആര്‍.എസ് (ഡിവിഷന്‍ റിവ്യൂ സിസ്റ്റം) സിസ്റ്റത്തിനു ഒടുവില്‍ ബി.സി.സി.ഐയുടെ പച്ചക്കൊടി. അടുത്ത മാസം ഇന്ത്യയില്‍ നടക്കുന്ന ഇംഗ്ലണ്ടിനെതിരായ ക്രിക്കറ്റ് ടെസ്റ്റില്‍ ഡി.ആര്‍.എസ് സിസ്റ്റം പരീക്ഷണാര്‍ഥം ഉപയോഗിക്കുമെന്നു ബി.സി.സി.ഐ വ്യക്തമാക്കി. അടുത്ത മാസം ഒന്‍പതു മുതലാണ് ഇന്ത്യ- ഇംഗ്ലണ്ട് ഒന്നാം ടെസ്റ്റ്.
ഇന്ത്യന്‍ ഏകദിന നായകന്‍ മഹേന്ദ്ര സിങ് ധോണി ഡി.ആര്‍.എസ് സിസ്റ്റത്തെ എതിര്‍ക്കുമ്പോള്‍ ടെസ്റ്റ് നായകന്‍ വിരാട് കോഹ്‌ലിയും പരിശീലകന്‍ അനില്‍ കുംബ്ലെയും സിസ്റ്റത്തിനോടു അനുകൂല മനോഭാവമാണ് പുലര്‍ത്തുന്നത്. ഇരുവരുടേയും മനോഭാവമാണ് ബോര്‍ഡിന്റെ മനംമാറ്റത്തിനു കാരണമെന്നു വിലയിരുത്തലുകളുണ്ട്.