ഫറോക്ക്: കോഴിക്കോട് കോര്‍പറേഷന്‍ 41-ാം ഡിവിഷനായ അരീക്കാട്ടെ കൗണ്‍സിലറെ ഇന്നറിയാം. ഡിവിഷനില്‍നിന്നു മത്സരിച്ച് കോര്‍പറേഷന്‍ മേയറായ വി.കെ.സി മമ്മദ് കോയ, എം.എല്‍.എ ആയതിനെത്തുടര്‍ന്നു വന്ന ഒഴിവിലേക്കാണ് ഇന്നലെ ഉപതെരഞ്ഞെടുപ്പ് നടന്നത്.
തെരഞ്ഞെടുപ്പില്‍ 74.29 ശതമാനം പേര്‍ വോട്ട് രേഖപ്പെടുത്തി. വോട്ടെടുപ്പ് തീര്‍ത്തും സമാധാനപരമായിരുന്നു. 3,195 സ്ത്രീ വോട്ടര്‍മാരും 2,877 പുരുഷന്മാരുള്‍പ്പടെ മൊത്തം 6,072 വോട്ടര്‍മാരില്‍ 4,511 പേരാണു വെള്ളിയാഴ്ച സമ്മതിദാനാവകാശം വിനിയോഗിച്ചത്. ശനിയാഴ്ച രാവിലെ 10ന് ടൗണ്‍ഹാളിലാണ് വോട്ടെണ്ണല്‍.
അരീക്കാട് എ.എല്‍.പി സ്‌കൂളില്‍ ഒന്ന്, മൂന്ന്, നാല്, അഞ്ച് നമ്പര്‍ ബൂത്തുകളിലും അരീക്കാട് നല്ലളം റോഡിലെ ദേവദാസ് എ.യു.പി സ്‌കൂളിലെ രണ്ടാം നമ്പര്‍ ബൂത്തിലുമായിരുന്നു വോട്ടെടുപ്പ് നടന്നത്.