സുല്‍ത്താന്‍ ബത്തേരി: സി.ബി.എസ്.ഇ സഹോദയ കലോല്‍സവത്തിലെ സറ്റേജ് ഇന മല്‍സരങ്ങള്‍ ഒക്ടോബര്‍ 24, 25, 26 തിയതികളില്‍ ബത്തേരി ഭാരതീയ വിദ്യാഭവന്‍ സ്‌കൂളില്‍ നടക്കും. ജില്ലയിലെ 26 സ്‌കൂളുകളില്‍ നിന്നായി 1600ഓളം വിദ്യാര്‍ഥികള്‍ പങ്കെടുക്കും. സ്‌കൂളില്‍ സജ്ജീകരിച്ച നുപൂരം, നടനം, സൃഷ്ടി, താളം, ധ്വനി എന്നീ അഞ്ചുവേദികളിലാണ് പരിപാടി. കലോല്‍സവം സംസ്ഥാന വനിതാകമ്മീഷന്‍ അധ്യക്ഷ കെ.സിറോസകുട്ടി ടീച്ചര്‍ ഉദ്ഘാടനം ചെയ്യും.
മേളയുടെ നടത്തിപ്പാനായുള്ള എല്ലാ ഒരുക്കങ്ങളും പൂര്‍ത്തിയായതായും ഭാരവാഹികളായ സഹോദയ ട്രഷറര്‍ കെ.വി ജോര്‍ജ്ജ്്, ഭാരതീയ വിദ്യാഭവന്‍ ചെയര്‍മാന്‍ കെ.ജി ഗോപാലപിള്ള, സെക്രട്ടറി കെ.കെ വാസുദേവന്‍, ഭവന്‍സ് സ്‌കൂള്‍ പ്രിന്‍സിപ്പല്‍ രേഖ.എസ്.നായര്‍, രാഖി.പി.സി, അനില്‍ നായര്‍, ബാബു കട്ടയാട്് എന്നിവര്‍ വാര്‍ത്താസമ്മേളനത്തില്‍ അറിയിച്ചു.