നെല്ലായി: ആലത്തൂരില്‍ മൂന്നിടത്ത് മോഷണം. വ്യാഴാഴ്ച രാത്രിയോടെയാണ് മോഷണം നടന്നത്. ഖാദി ഭവന് സമീപമുള്ള കപ്പേളയുടെ ഭണ്ഡാരം, നമ്പുകുളങ്ങര കുടുംബക്ഷേത്ര ഭണ്ഡാരം കാവുങ്ങല്‍ ഔസേഫിന്റെ പലചരക്കു കട എന്നിവിടങ്ങളില്‍ ആണ് മോഷണം നടന്നത്. ക്ഷേത്ര ഭണ്ഡാരത്തില്‍ നിന്നും ഉദ്ദേശം 1500 രൂപയോളം നഷ്ടപ്പെട്ടതായും, കപ്പേള ഭണ്ഡാരത്തില്‍ നിന്നും പലചരക്കു കടയില്‍ നിന്നും കാര്യമായി ഒന്നും നഷ്ടപ്പെട്ടിട്ടില്ലെന്നും കൊടകര പൊലിസ് പറഞ്ഞു. പൊലിസ് നായയും, വിരലടയാള വിദഗ്ധരും സ്ഥലത്തെത്തിയിരുന്നു.