ജനീവ: സിറിയയില്‍ കഴിഞ്ഞ വര്‍ഷം നടന്ന മൂന്നാമത്തെ രാസായുധ ആക്രമണങ്ങള്‍ക്കു  പിന്നില്‍ സിറിയന്‍ സര്‍ക്കാരാണെന്ന് യു.എന്‍. രക്ഷാസമിതിയുടെ രഹസ്യ റിപ്പോര്‍ട്ടിലാണ് സാധാരണക്കാരെ ലക്ഷ്യംവച്ച് നടന്ന ആക്രമണത്തിന്റെ പിന്നില്‍ പ്രവര്‍ത്തിച്ചത് സിറിയയാണെന്ന് കണ്ടെത്തിയത്. ക്ലോറിന്‍വാതകം നിറച്ച ബാരലുകളാണ് ഹെലികോപ്ടര്‍ വഴി സൈന്യം ജനവാസ കേന്ദ്രത്തില്‍ നിക്ഷേപിച്ചത്.
2015 മാര്‍ച്ച് 16 ന് ഇദ്്‌ലിബിലായിരുന്നു സിറിയന്‍ ക്രൂരത. അന്താരാഷ്ട്ര സമൂഹം നിരോധിച്ച ആയുധമാണ് ക്ലോറിന്‍ വാതകം.
പ്രോഹിബിഷന്‍ ഓഫ് കെമിക്കല്‍ വെപണ്‍സ് (ഒ.പി.സി.ഡബ്ല്യൂ) ആണ് 2015 ല്‍ സിറിയ രണ്ട് രാസായുധ ആക്രമണങ്ങള്‍ നടത്തിയെന്ന് കണ്ടെത്തിയത്. ഖംനാസ്, ഇദ്്‌ലിബ് ഗവര്‍ണറേറ്റിലാണ് ആക്രമണങ്ങള്‍ നടത്തത്.  2013 ല്‍ റഷ്യയുടെയും യു.എസിന്റെയും സമ്മര്‍ദങ്ങള്‍ക്ക് വഴങ്ങി രാസായുധം നിര്‍വീര്യമാക്കാന്‍ സിറിയ തീരുമാനിച്ചിരുന്നു.

എന്നാല്‍ സിറിയ രാസായുധം പൂര്‍ണമായി നശിപ്പിച്ചില്ലെന്ന് രക്ഷാസമിതി കണ്ടെത്തിയിരുന്നു. സിറിയക്കെതിരേ ഉപരോധം ഏര്‍പ്പെടുത്താന്‍ സഹായിക്കുന്നതാണ് പുതിയ അന്വേഷണ റിപ്പോര്‍ട്ട്.
13 മാസം നീണ്ട അന്വേഷണത്തിന് ഒടുവിലാണ് യു.എന്‍ സംഘം റിപ്പോര്‍ട്ട് തയാറാക്കിയത്.  യു.എന്നില്‍ വീറ്റോ അധികാരമുള്ള റഷ്യയും, ചൈനയും റിപ്പോര്‍ട്ടിനെതിരേ രംഗത്തുവന്നു.
സിറിയന്‍ സര്‍ക്കാരിനെ പിന്തുണയ്ക്കുന്നവരാണിവര്‍. എന്നാല്‍ വീറ്റോ അധികാരമുള്ള യു.എസ്, ബ്രിട്ടന്‍, ഫ്രാന്‍സ് എന്നീ രാജ്യങ്ങള്‍ റിപ്പോര്‍ടിനെ അനുകൂലിക്കുന്നുണ്ട്.