മുക്കം: വെളിമണ്ണ ജി.സി.സി കെ.എം.സി.സി വാര്‍ഷിക സമ്മേളനം സംഘടിപ്പിച്ചു. വാര്‍ഷികോപഹാരമായ ഓക്‌സിജന്‍ കോണ്‍സന്‍ട്രേറ്റര്‍ സമര്‍പ്പണം കൊടുവള്ളി ബ്ലോക്ക് പഞ്ചായത്ത് പ്രസിഡന്റ് സൂപ്പര്‍ അഹമ്മദ്കുട്ടി ഹാജി നിര്‍വഹിച്ചു. പ്രസിഡന്റ് വി.എം സലീം ദമാം അധ്യക്ഷനായി.കൊടുവള്ളി കെ.എം.ഒ കോളജ് യു.യു.സിയായി തെരഞ്ഞെടുക്കപ്പെട്ട മുഹമ്മദ് മിന്‍ഹാജിനെ ചടങ്ങില്‍ അനുമോദിച്ചു.
ഓമശ്ശേരി പഞ്ചായത്ത് മുസ്‌ലിം ലീഗ് വൈസ് പ്രസിഡന്റുമാരായ പി.പി അഹമ്മദ്കുട്ടി മാസ്റ്റര്‍, ടി.സി.സി കുഞ്ഞഹമ്മദ്, ഗ്രാമപഞ്ചായത്തംഗം പി.കെ കുഞ്ഞിമൊയ്തീന്‍ ഹാജി, സി. ഇബ്‌റാഹിം മാസ്റ്റര്‍, കെ. ഇബ്‌റാഹിം മാസ്റ്റര്‍, ടി.കെ നാസര്‍ ഗുരുക്കള്‍, ടി.കെ സഫീറുല്‍ അക്ബര്‍, പി. സുലൈമാന്‍ മുസ്‌ലിയാര്‍, പി. അബ്ദുല്‍ ഗഫൂര്‍, വി.കെ നസ്‌റുദ്ദീന്‍, പി. മജീദ് (കുവൈത്ത്), നാസര്‍ ആരാരിക്കല്‍ (യു.എ.ഇ), പി.പി സെയ്ദ് മുഹമ്മദ്(ഖത്തര്‍), കെ.കെ കബീര്‍ (ജുബൈല്‍), സി. ഷൗക്കത്ത് (റിയാദ്), ടി.സി ഇസ്മായില്‍, സി.ഇ.ഒ ടി.കെ അന്‍വര്‍ സാദത്ത് സംസാരിച്ചു.