ന്യൂഡല്‍ഹി: ലൈംഗികതൊഴിലാളികള്‍ക്കു വഴങ്ങി വിദേശരാജ്യങ്ങള്‍ക്ക് ഇന്ത്യയുടെ പ്രതിരോധ രഹസ്യങ്ങള്‍ ചോര്‍ത്തിക്കൊടുത്ത ബി.ജെ.പി എം.പി വരുണ്‍ഗാന്ധിയുടേതെന്നു കരുതുന്ന കിടപ്പറരംഗങ്ങള്‍ പുറത്തായി.
ചിത്രത്തിന്റെ ആധികാരികത സംബന്ധിച്ച് സ്ഥിരീകരണമില്ലെങ്കിലും വരുണ്‍ നൂല്‍ബന്ധമില്ലാതെ ലൈംഗികതൊഴിലാളിക്കൊപ്പം കിടപ്പറ പങ്കിടുന്നതടക്കമുള്ള ചിത്രങ്ങളാണു പുറത്തുവന്നിരിക്കുന്നത്. ഓണ്‍ലൈന്‍ പോര്‍ട്ടലുകള്‍ പുറത്തുവിട്ട ചിത്രങ്ങള്‍ സോഷ്യല്‍മീഡിയകളില്‍ വ്യാപകമായി പ്രചരിക്കുന്നുണ്ട്. വിദേശ വനിതകള്‍ക്കും ലൈംഗിക തൊഴിലാളികള്‍ക്കുമൊപ്പമുള്ള ചിത്രങ്ങളെടുത്ത ശേഷം അതു കാണിച്ച് ഭീഷണിപ്പെടുത്തി വരുണില്‍ നിന്ന് രാജ്യരഹസ്യങ്ങള്‍ ചോര്‍ത്തിയന്നൊണ് ആരോപണം.
വിവാദ ആയുധവ്യാപാരി അഭിഷേക് വര്‍മയുടെ മുന്‍ വ്യാപാരപങ്കാളിയും അമേരിക്കയില്‍ അഭിഭാഷകനുമായ എഡ്മണ്ട്‌സ് അലന്‍ പ്രധാനമന്ത്രിയുടെ ഓഫിസിന് അയച്ച കത്തിലെ ആരോപണങ്ങള്‍ക്ക് തെളിവായി നല്‍കിയ ചിത്രങ്ങളാണ് പുറത്തായതെന്നാണു സൂചന. പ്രതിരോധകാര്യങ്ങള്‍ സംബന്ധിച്ച പാര്‍ലമെന്റിന്റെ സ്റ്റാന്‍ഡിങ് കമ്മിറ്റി അംഗം കൂടിയാണ് വരുണ്‍. ആസന്നമായ ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ ബി.ജെ.പി മുഖ്യമന്ത്രിസ്ഥാനത്തേക്കു കണ്ടുവച്ചിരുന്ന നേതാക്കളില്‍ ഒരാളാണ് വരുണ്‍.
ആരോപണങ്ങളും ഫോട്ടോകളും സത്യമാണെങ്കില്‍ അതു പാര്‍ട്ടിക്കും വരുണിന്റെ അമ്മ മനേകക്കും കനത്ത ആഘാതമാവും. ഒപ്പം വരുണിന്റെ രാഷ്ട്രീയ ഭാവിക്കും. ആരോപണങ്ങള്‍ വരുണ്‍ നിഷേധിച്ചിരുന്നു.