ഗുരുവായൂര്‍: ഗുരുവായൂരില്‍ ഫ്‌ളാറ്റ് കേന്ദ്രീകരിച്ച് പെണ്‍വാണിഭം. സ്ത്രീകളടക്കം നാലു പേരെ പൊലിസ് പിടികൂടി. വേലൂര്‍ പഷ്ണത്ത് ഫിലന്‍(45), വടക്കാഞ്ചേരി പാറനാട്ടുപടി ബിന്ദു(34), പാലക്കാട് തിരുവേഗപ്പുറ സ്വദേശികളായ വലിയ പറമ്പില്‍ ഷെരീഫ്(25), പുല്ലാനികാട്ടില്‍ ഷബ്‌ന(25) എന്നിവരെയാണ് ഗുരുവായൂര്‍ ടെമ്പിള്‍ സി.ഐ എന്‍. രാജേഷ്‌കുമാറിന്റെ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്. കാരക്കാട് സീമാസ് നിര്‍മാല്യം അപ്പാര്‍ട്ട്മന്റില്‍ നിന്നാണ് ഇവര്‍ പിടിയിലായത്. പൊലിസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഫ്‌ളാറ്റില്‍ റെയ്ഡ് നടന്നത്.ഗുരുവായൂരിലെ പല കേന്ദ്രങ്ങളും പൊലിസ് നിരീക്ഷണത്തിലാണ്. പ്രതികളെ കോടതിയില്‍ ഹാജരാക്കി.