കാലിഫോര്‍ണിയ: ദക്ഷിണ കാലിഫോര്‍ണിയയില്‍ വിനോദസഞ്ചാരികള്‍ സഞ്ചരിച്ച ബസും ട്രക്കും കൂട്ടിയിടിച്ച് 13 പേര്‍ മരിച്ചു.31 പേര്‍ക്കു പരുക്കേറ്റു. ഇന്നലെ പാം സ്പ്രിങിനു സമീപത്തെ ദേശീയപാതയിലാണ് അപകടമുണ്ടായത്.

അപകടത്തില്‍ മരിച്ചവരില്‍ ബസ് ഡ്രൈവറും ഉള്‍പ്പെടും. പരുക്കേറ്റവരില്‍ ചിലരുടെ നില ഗുരുതരമാണ്.

സ്‌ളാറ്റണ്‍ സിറ്റിയിലെ കസിനോയില്‍ നിന്ന് ലോസ് ആഞ്ചലസിലേക്കു പോകുകയായിരുന്ന യു.എസ്.എ ഹോളിഡേയ്‌സിന്റെ ബസാണ് അപകടത്തില്‍ പെട്ടത്.

പ്രാദേശിക സമയം പുലര്‍ച്ചെ 5.17 ഓടെയാണ് അപകടം നടന്നത്. അപകടകാരണം അന്വേഷിച്ചു വരികയാണെന്ന് പൊലിസ് അറിയിച്ചു.