തൃശൂര്‍: കേരള ടാക്‌സ് പ്രാക്ടീഷണേഴ്‌സ് അസോസിയേഷന്‍ ജില്ലാ സമ്മേളനം നാളെ തൃശൂര്‍ ചേംബര്‍ ഓഫ് കോമേഴ്‌സ് ഹാളില്‍ നടക്കും. ഉച്ചക്ക് രണ്ടിന് നടക്കുന്ന സമ്മേളനം അസോസിയേഷന്‍ സംസ്ഥാന സെക്രട്ടറി എം ഗണേശന്‍ ഉദ്ഘാടനം ചെയ്യും. ജില്ലാ പ്രസിഡന്റ് ബിജു വര്‍ഗീസ് അധ്യക്ഷനാകും.
സംസ്ഥാന ട്രഷറര്‍ വി.എന്‍ അനില്‍ ഡയറക്ടറി പ്രകാശനം ചെയ്യും. ചരക്ക് സേവന നിയമത്തില്‍ വേണ്ട ഭേദഗതികള്‍ വരുത്തി ടാക്‌സ് പ്രാക്ടീഷണര്‍മാരുടെ സേവനം സര്‍ക്കാര്‍ ഫലപ്രദമായി പ്രയോജനപ്പെടുത്താന്‍ തയ്യാറാകണമെന്ന് ഭാരവാഹികള്‍ ആവശ്യപ്പെട്ടു. സംസ്ഥാന സെക്രട്ടറി എം.എന്‍ അഖിലേശന്‍, ജില്ലാ സെക്രട്ടറി പി.വി വിനോദ്, ജില്ലാ ട്രഷറര്‍ നന്ദകുമാര്‍, വനിതാ പ്രതിനിധി സുജാത രാമചന്ദ്രന്‍ എന്നിവരും വാര്‍ത്താ സമ്മേളനത്തില്‍ സംബന്ധിച്ചു.