തോല്‍പ്പെട്ടി: സാമൂഹ്യ വിരുദ്ധര്‍ കൊടിമരം നശിപ്പിച്ചതായി പരാതി. തോല്‍പ്പെട്ടി ശാഖാ മുസ്‌ലിം ലീഗ് കമ്മിറ്റി തോല്‍പ്പെട്ടി ഫോറസ്റ്റ് ചെക്ക് പോസ്റ്റിനടുത്ത് സ്ഥാപിച്ച കൊടിമരമാണ് സാമൂഹ്യവിരുദ്ധര്‍ നശിപ്പിച്ചത്.
ഇന്നലെ രാത്രിയാണ് സംഭവം. ഇതു സംബന്ധിച്ച് ശാഖാ മുസ്‌ലിം ലീഗ് കമ്മിറ്റി തിരുനെല്ലി പൊലിസില്‍ പരാതി നല്‍കി.
സാമൂഹ്യ അരക്ഷിതാവസ്ഥ ഉണ്ടാക്കാന്‍ ചിലര്‍ ഇരുട്ടിന്റെ മറവില്‍ നടത്തുന്ന ബോധപൂര്‍വമായ ശ്രമങ്ങളാണ് ഇതെന്നും ഇത്തരക്കാരെ കരുതിയിരിക്കണമെന്നും മുസ്‌ലിം യൂത്ത് ലീഗ് ജില്ലാ സെക്രട്ടറി ഹാരിസ് കാട്ടിക്കുളം പറഞ്ഞു. പഞ്ചായത്ത് മുസ്‌ലിം ലീഗ് പ്രസിഡന്റ് പി മൊയ്തു, യൂത്ത് ലീഗ് പഞ്ചായത്ത് പ്രസിഡന്റ് അഷ്‌കര്‍ ബാവലി, ശാഖാ പ്രസിഡന്റ് പി മമ്മി, സെക്രട്ടറി കെ.ടി അബ്ദുല്ല എന്നിവര്‍ സംഭവത്തില്‍ പ്രതിഷേധിച്ചു.
യൂത്ത് ലീഗ് ശാഖാ കമ്മിറ്റി സംഘടിപ്പിച്ച പ്രതിഷേധ യോഗത്തില്‍ ശാഖാ പ്രസിഡന്റ് സാലിം, പി അബ്ദുറസാഖ്, പഞ്ചായത്ത് യൂത്ത് ലീഗ് വൈ.പ്രസിഡന്റ് നസീര്‍, എം.കെ അഷ്‌റഫ്, റഫീഖ്, ബഷീര്‍, റഊഫ്, ഹാഷിം, മുനീര്‍ എന്നിവര്‍ സംസാരിച്ചു.
 നാട്ടില്‍ വര്‍ഗീയതയും രാഷ്ട്രീയ സഘര്‍ഷവും ഉണ്ടാക്കാന്‍ ശ്രമിക്കുന്ന ഇത്തരക്കാരെ ഒറ്റപ്പെടുത്തണമെന്നും മാതൃകാപരമായി ശിക്ഷിക്കണമെന്നും ശാഖാ കമ്മിറ്റി ആവശ്യപ്പെട്ടു.