കാസര്‍കോട്: എസ്.കെ.എസ്.എസ്.എഫിന്റെ സന്നദ്ധ സേവന വിഭാഗമായ വിഖായയുടെ  ജില്ലാ വളണ്ടിയര്‍മാര്‍ക്കുള്ള പരിശീലന ക്യാംപു സംഘടിപ്പിക്കും. മേഖലയില്‍ നിന്നു തിരഞ്ഞെടുക്കപ്പെട്ട 150 പേരാണു വിഖായ ക്യാംപില്‍ പങ്കെടുക്കുക.  വിവിധ സെഷനുകളില്‍ ട്രോമ കെയര്‍, പാലിയേറ്റിവ് കെയര്‍, മയ്യിത്ത് സംസ്‌കരണം ആത്മീയം, സംഘടന, സഹചാരി റിലീഫ് സെല്‍ തുടങ്ങിയ വിഷയങ്ങളില്‍ പ്രമുഖര്‍ ക്ലാസെടുക്കും. ആക്ടീവ് വിഖായ മെമ്പര്‍മാരുടെ ബയോഡാറ്റ നല്‍കാത്ത മേഖല കമ്മറ്റികള്‍ ഉടന്‍ തന്നെ ജില്ലാ ഓഫിസില്‍ ബയോഡാറ്റ നല്‍കണമെന്ന് ജില്ലാ പ്രസിഡന്റ് താജുദ്ധീന്‍ ദാരിമി പടന്നയും ജനറല്‍ സെക്രട്ടറി ഹാരിസ് ദാരിമി ബെദിരയും അറിയിച്ചു.