കോട്ടയം: നടപടിക്രമങ്ങള്‍ പാലിക്കുന്നതില്‍ സി.ബി.ഐയെ ഗുണദോഷിച്ച ജേക്കബ് തോമസ് സ്വന്തം ചെയ്തികളില്‍ അത് പാലിക്കുന്നുണ്ടോ എന്ന് ഉറപ്പുവരുത്തണമെന്ന് മുന്‍.എം.എല്‍ യും കേരളാ കോണ്‍ഗ്രസ്സ് (എം) നേതാവുമായ സ്റ്റീഫന്‍ ജോര്‍ജ് ആവശ്യപ്പെട്ടു. ചീഫ് സെക്രട്ടറി ജേക്കബ് തോമസിനെതിരെ ശുപാര്‍ശ ചെയ്ത ശിക്ഷണനടപടികള്‍ കീഴുദ്യോഗസ്ഥന്‍ റദ്ദുചെയ്ത കേരളമാണ് ഇതെന്ന് ഓര്‍ക്കണം.
തെറ്റായ വിവരങ്ങള്‍ മാധ്യമങ്ങള്‍ക്ക് നല്‍കുന്ന ജേക്കബ് തോമസ് തന്റെ പ്രവര്‍ത്തനത്തെക്കുറിച്ച് ആത്മപരിശോധന നടത്തണമെന്നും സ്റ്റീഫന്‍ ജോര്‍ജ് ആവശ്യപ്പെട്ടു.