തിരുവനന്തപുരം: ഇത്തവണത്തെ തെരഞ്ഞെടുപ്പില്‍ കേരളത്തിന് പുതിയ ചരിത്രം ഉണ്ടാകുമെന്ന് കോണ്‍ഗ്രസ് നേതാവ് എ.കെ ആന്റണി. ഓരോ അഞ്ചു വര്‍ഷം ഓരോ മുന്നണി എന്നതാണ് കേരളത്തിന്റെ സ്വഭാവം. എന്നാല്‍, അതിന് ഇത്തവണ മാറ്റമുണ്ടാകുമെന്നും യു.ഡി.എഫ് ഭരണം നിലനിര്‍ത്തുമെന്നും ആന്റണി പറഞ്ഞു. ജഗതിയില്‍ വോട്ട് രേഖപ്പെടുത്തിയ ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.