ഇരിട്ടി:രാജ്യത്തിന്റെ അടിസ്ഥാന പ്രശ്‌നങ്ങളില്‍ നിന്നു മാധ്യമങ്ങളുടെയും ജനങ്ങളുടെയും ശ്രദ്ധ തിരിക്കാന്‍ വൈകാരിക വിഷയങ്ങള്‍ ഏറ്റെടുത്ത് രാഷ്ട്രീയ മുതലെടുപ്പ് നടത്തുകയാണ് സംഘ്പരിവാര്‍ ശക്തികള്‍ ചെയ്യുന്നതെന്നും ഇതിലൂടെ നമ്മുടെ രാഷ്ട്ര ശില്‍പികള്‍
കഠിനാധ്വാനത്തിലൂടെ നേടിയെടുത്ത ഇന്ത്യയുടെ മതേതര സംഹിതയാണ് തകര്‍ക്കുന്നതെന്നും ഡി.സി.സി വൈസ് പ്രസിഡന്റ് ചന്ദ്രന്‍ തില്ലങ്കേരി പറഞ്ഞു.
പേരാവൂര്‍ മണ്ഡലം മുസ്‌ലിം യൂത്ത് ലീഗ് കമ്മിറ്റി ഇരിട്ടിയില്‍ നടത്തിയ ജനജാഗ്രത സദസില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
ഇബ്രാഹിം മുണ്ടേണ്ടരി പരിപാടി ഉദ്ഘാടനം ചെയ്തു.  മണ്ഡലം പ്രസിഡന്റ് സമീര്‍ പുന്നാട് അധ്യക്ഷനായി.