കിഴിശ്ശേരി : കാഴ്ചക്കാരില്‍ അമ്പരപ്പു സമ്മാനിച്ചു ഭീമന്‍ നിശാ ശലഭം വിരുന്നെത്തി. അപൂര്‍വമായി മാത്രം കാണപ്പെടുന്ന ഭീമന്‍ നിശാശലഭം  മുണ്ടണ്ടംപറമ്പ് നെല്ലിക്കുന്നത്ത് അലിയുടെ വീട്ടിലാണു വിരുന്നുകാരനായി എത്തിയത്.
ഇരുചിറകുകള്‍ക്കുമായി 20 സെന്റിമീറ്റര്‍ വലിപ്പമുള്ള ശലഭം 'അറ്റ്‌ലസ്‌മോത്ത്' ഇനത്തില്‍പ്പെട്ടതാണെന്നാണ് വിദഗ്ധര്‍ പറയുന്നത്. അറ്റ്‌ലസ് മോത്ത്  നിശാശലഭം ലോകത്തിലെ തന്നെ ഏറ്റവും വലിയ ശലഭങ്ങളില്‍പ്പെട്ടതാണ്. പാമ്പിന്റെ ഫണരൂപത്തിലുള്ള ചിറകുകളും വ്യത്യസ്ത ചിത്രങ്ങളുമാണ് അറ്റ്‌ലസ് മോത്തിനെ മറ്റു നിശാശലഭങ്ങളില്‍ നിന്ന് വേറിട്ടതാക്കുന്നത്.
ഇതിന്റെ പരമാവധി ആയുസ് 15 ദിവസമാണ്്.