പള്ളിക്കല്‍: പഞ്ചായത്തിന്റെ വിവിധ ഭാഗങ്ങളില്‍ അപകടാവസ്ഥയിലായ വൈദ്യുതി കാലുകള്‍ വഴിയാത്രക്കാര്‍ക്കും വാഹനങ്ങള്‍ക്കും ഭീഷണിയാകുന്നു. മഴക്കാല സുരക്ഷയുടെ ഭാഗമായി വില്ലേജ് ഓഫീസറുടെ നേതൃത്വത്തില്‍ പഞ്ചായത്തില്‍ വിളിച്ചു ചേര്‍ത്ത സര്‍വകക്ഷി യോഗത്തില്‍ ദുരന്ത നിവാരണ സമിതി രൂപീകരിക്കുകയും വൈദ്യുതി അപകടങ്ങള്‍ ഒഴിവാക്കുന്നതിനായി പഞ്ചായത്തിലെ അപകടാവസ്ഥയിലുള്ള മുഴുവന്‍ വൈദ്യുതി കാലുകളും മാറ്റി സ്ഥാപിക്കാന്‍  യോഗത്തില്‍ തീരുമാനമെടുക്കുകയും ചെയ്തിരുന്നു.
പക്ഷെ മാസങ്ങള്‍ കഴിഞ്ഞിട്ടും തകര്‍ന്ന വൈദ്യുതി കാലുകള്‍ മാറ്റി സ്ഥാപിക്കാന്‍ കെ.എസ്.ഇ.ബി തയാറാകുന്നില്ല. വൈദ്യുതി കാലുകളില്‍ നിന്നും കോണ്‍ക്രീറ്റ് അടര്‍ന്ന് വീണ് ഉള്‍വശത്തെ കമ്പി തുരുമ്പെടുത്ത നിലയില്‍ ഏത് നിമിഷവും നിലം പൊത്തുമെന്ന അവസ്ഥയിലാണ് പല വൈദ്യുതി കാലുകളും.