ഫാറൂഖ് കോളജ്: മുസ്‌ലിം ലോകം ഐഡന്റിറ്റി പ്രതിസന്ധി നേരിടുകയാണെന്നും അതിനെതിരേ സ്വത്വബോധം ഉയര്‍ത്തിപ്പിടിച്ച് ശബ്ദിക്കണമെന്നും പാണക്കാട് സയ്യിദ് മുനവ്വറലി ശിഹാബ് തങ്ങള്‍.
റൗളത്താബാദ് ഇസ്‌ലാമിക് സ്റ്റഡി സര്‍ക്കിളിന്റെ നേതൃത്വത്തില്‍ 'ആഗോള മുസ്‌ലിംകള്‍ നേരിടുന്ന വെല്ലുവിളി' വിഷയത്തില്‍ സംഘടിപ്പിച്ച പരിപാടിയില്‍ പ്രഭാഷണം നടത്തുകയായിരുന്നു അദ്ദേഹം.
വിശ്വാസം കളങ്കപ്പെടുത്താതെ വൈവിധ്യങ്ങളോടൊപ്പം ജീവിക്കണം. തീവ്രവാദത്തിനെതിരേ ഒന്നിച്ചുനില്‍ക്കാനും പ്രതികരിക്കാനുമുള്ള ഉത്തരവാദിത്തം എല്ലാ മുസ്‌ലിംകള്‍ക്കുമുണ്ടെന്നും തങ്ങള്‍ പറഞ്ഞു. പരിപാടിയില്‍ റൗളത്തുല്‍ ഉലൂം അറബിക് കോളജ് പ്രിന്‍സിപ്പല്‍ ഡോ. മുസ്തഫ ഫാറൂഖി അധ്യക്ഷനായി. ഡോ. ആബിദ് യു.പി സ്വാഗതവും ഫവാസ് നന്ദിയും പറഞ്ഞു.