കൊച്ചി: സാമൂഹിക പ്രവര്‍ത്തകരായ സ്ത്രീകള്‍ അംഗീകരിക്കപ്പെടുന്ന സാമൂഹിക മാറ്റമാണ് സംസ്ഥാനത്ത് ഉണ്ടാവേണ്ടതെന്ന് സാമൂഹിക പ്രവര്‍ത്തക ദയാ ബായി. വിവേചനം അവസാനിപ്പിച്ചാല്‍ മാത്രമെ സ്ത്രീസുരക്ഷക്ക് അര്‍ത്ഥമുണ്ടാവൂ എന്നും അവര്‍ പറഞ്ഞു.  കേരള കോണ്‍ഗ്രസ് സെക്രട്ടറിയേറ്റ് യോഗത്തില്‍ നല്‍കിയ സ്വീകരണത്തിന് നന്ദി പറയുകയായിരുന്നു ദയാ ബായി. കുടുംബശ്രീ, ആശവര്‍ക്കര്‍മാര്‍ തുടങ്ങി എല്ലാ സാമൂഹിക പ്രവര്‍ത്തകരും അംഗീകരിക്കപ്പെടുന്ന സാഹചര്യമുണ്ടാകണം. ഈഗോയാണ് മലയാളികളെ പിന്തിരിപ്പന്മാരാക്കുന്നത്. സ്ത്രീ സുരക്ഷക്ക് വേണ്ടി വാദിക്കുന്നവരും, സുരക്ഷ നല്‍കേണ്ട പൊലീസു പോലും തരം കിട്ടിയാല്‍ സ്ത്രീയെ താഴ്ത്തി കെട്ടാന്‍ ശ്രമിക്കുന്നവരാമെന്നും  ദയാ ബായി പറഞ്ഞു.
തെരുവ് പട്ടികളെ കൂട്ടത്തോടെ കൊന്നടക്കുന്നതോട് യോചിക്കാനാവില്ലെന്ന്  ചോദ്യത്തിന് മറുപടിയായി ദയാ ബായി പറഞ്ഞു. പരിപാടിയില്‍ പാര്‍ട്ടി ചെയര്‍മാന്‍ പി.സിതോമസ്,ഫൗസിയ ആസാദ്, അഹമ്മദ്, ടി.ജെ.ബാബു, റോയി തുടങ്ങിയവര്‍ പങ്കെടുത്തു.