സ്റ്റേഷനിലെത്തിയയാളെ പട്ടികടിച്ചുപാലാ: പരാതി നല്‍കുവാന്‍ എത്തിയയാളെ പൊലിസ് സ്റ്റേഷന്റെ മുറ്റത്ത് വച്ചു പട്ടി കടിച്ചു .ഇന്നലെ വൈകിട്ട്‌നാലിന് പാലാ പൊലിസ് സ്‌റ്റേഷന്‍ പരിസരത്താണു സംഭവം.
ഇടപ്പാടി വള്ളിയാന്തടത്തില്‍ സജി(44)ക്കാണു പട്ടിയുടെ കടിയേറ്റത്. സജിയെ പാലാ ജനറല്‍ ആശുപത്രിയിലും പിന്നീട് കൂടുതല്‍ ചികിത്സയ്ക്കായി കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.
ഇടതു കാലിന്റെ പിന്‍ഭാഗത്താണ് കടിയേറ്റത്. സജിയുടെ സുഹൃത്ത്  ബൈജുവിന്റെ ഓട്ടോ റിക്ഷാ കഴിഞ്ഞ ദിവസം മറിഞ്ഞിരുന്നു.
ഇതു സംബന്ധിച്ച് പരാതി നല്‍കുവാനാണു ബൈജുവിനൊപ്പം പൊലിസ് സ്‌റ്റേഷനില്‍ എത്തിയത്.
ചില രേഖകള്‍ ലഭിക്കുവാന്‍ കാലതാമസം ഉണ്ടായപ്പോള്‍ പൊലിസ് കാന്റീനില്‍ ചായ കുടിച്ച ശേഷം സ്‌റ്റേഷനിലേക്കു തിരികെ എത്തിയപ്പോഴാണു കടിയേറ്റത്. കാന്റീന്‍ പരിസരത്ത് അലഞ്ഞു കഴിയുന്ന നായയാണു കടിച്ചത്.