മുക്കം: വിദ്യാഭ്യാസ സാംസ്‌കാരിക സംഘടനയായ ട്രാക്കിന്റെ ലോഗോ പ്രകാശനം ട്രാക്ക് അഡൈ്വസറി ബോര്‍ഡ് സംസ്ഥാന ചെയര്‍മാന്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിച്ചു. ചെയര്‍മാന്‍ സുബൈര്‍ നെല്ലിക്കാപറമ്പ് അധ്യക്ഷനായി. എസ്.എം.എഫ് ജില്ലാ ജനറല്‍ സെക്രട്ടറി സലാം ഫൈസി മുക്കം, കെ.വി.നൂറുദ്ദീന്‍ ഫൈസി, പി.അലി അക്ബര്‍, എം.കെ.ഉമര്‍ ബാഖവി, നടുക്കണ്ടി അബൂബക്കര്‍, പി.ജി.മുഹമ്മദ്, ടി.കെ. അബ്ദുല്‍ കരീം, നുഹുമാന്‍ കുമരനെല്ലൂര്‍ തുടങ്ങിയവര്‍ സംബന്ധിച്ചു. ട്രാക്കിന്റെ ഒന്നാം വാര്‍ഷികം 2016 നവംബര്‍ 3 വ്യാഴം ഉച്ചക്ക് 2 മണിക്ക് മുക്കം നോര്‍ത്ത് കാരശ്ശേരിയില്‍ ട്രാക്ക് കോളജ് ഓഡിറ്റോറിയത്തില്‍ നടക്കും.