മാറഞ്ചേരി: അണ്ടത്തോട് തൗഫീഖ് ചാരിറ്റബിള്‍ ട്രസ്റ്റ് തഖ്‌വ യതീംഖാന,അനുബന്ധ വിദ്യാഭ്യാസ സ്ഥാപനങ്ങളുടെ വാര്‍ഷികം ഇന്നും നാളെയുമായി നടക്കും. ഇന്ന് 1.30നു സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. എം.വി ഹൈദരലി അധ്യക്ഷനാകും. രാവിലെ 10നു സയന്‍സ്,ഇസ്‌ലാമിക് എക്‌സിബിഷന്‍ ബ്ലോക്ക് പഞ്ചായത്ത് വൈസ് പ്രസിഡന്റ് വി. സുബൈദ ഉദ്ഘാടനം ചെയ്യും.
നാളെ സമാപന സമ്മേളനം സി.എന്‍.ജയദേവന്‍ എംപി ഉദ്ഘാടനം ചെയ്യും. പാണക്കാട് സയ്യിദ് മുനവ്വറലി ശിഹാബ് തങ്ങള്‍ അധ്യക്ഷനാകും. ലൈബ്രറി കെ.വി അബ്ദുല്‍ഖാദര്‍ എം.എല്‍.എ ഉദ്ഘാടനം ചെയ്യും. സമസ്ത പ്രസിഡന്റ് എ.പി മുഹമ്മദ് മുസലിയാര്‍ക്കു സ്വീകരണവും ഉസ്മാന്‍ മൗലവി എന്‍ഡോവ്‌മെന്റ് പ്രൊഫ. അബ്ദുല്‍ ഹക്കീം ഫൈസിക്ക് സമ്മാനിക്കലും നടക്കുമെന്നു എം.സി മൊയ്തുട്ടിഹാജി, വി. മായിന്‍കുട്ടി,അ ബ്ദുള്ള യിസാര്‍ എന്നിവര്‍ അറിയിച്ചു.