വെട്ടത്തൂര്‍: ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ അസാപ്പ്, എന്‍.എസ്.എസ് യൂനിറ്റുകളുടെ പ്രവര്‍ത്തനം തുടങ്ങി.
ജില്ലാ പഞ്ചായത്ത് പ്രസിഡന്റ് എ.പി.ഉണ്ണികൃഷ്ണന്‍ അസാപ്പ് യൂനിറ്റിന്റെയും വെട്ടത്തൂര്‍ ഗ്രാമപഞ്ചായത്ത് പ്രസിഡന്റ് അന്നമ്മ വള്ളിയാംതടത്തില്‍ എന്‍.എസ്.എസ് യൂനിറ്റിന്റെയും ഉദ്ഘാടനം നിര്‍വഹിച്ചു. ജില്ലാ പഞ്ചായത്ത് വിദ്യാഭ്യാസ സ്ഥിരസമിതി ചെയര്‍മാന്‍ വി സുധാകരന്‍ അധ്യക്ഷനായി. അസാപ്പ് പ്രോഗ്രാം ഓഫിസര്‍ ടി ഷൗക്കത്ത്, കോഡിനേറ്റര്‍ ഡോ. എ.കെ അമാനുള്ള എന്നിവര്‍ പദ്ധതി വിശദീകരിച്ചു.
വെട്ടത്തൂര്‍ പഞ്ചായത്തിലെ ഏഴാം വാര്‍ഡ് എന്‍.എസ്.എസ് ദത്ത്ഗ്രാമമായി വൈസ് പ്രസിഡന്റ് എം ഹംസക്കുട്ടി പ്രഖ്യാപിച്ചു. പഞ്ചായത്തംഗങ്ങളായ കെ റഫീഖ ബഷീര്‍, കെ റുഖിയ ടീച്ചര്‍, വി മണികണ്ഠന്‍ മാസ്റ്റര്‍, ഏറാടന്‍ സൈതലവി, പ്രിന്‍സിപ്പല്‍ കെ അബ്ദുല്‍ കരീം, ഹെഡ്മിസ്ട്രസ് എം.എ ആമിനാ ബീവി, പി.എം സൈതാലിക്കുട്ടി, കെ.ടി മുസ്തഫ കമാല്‍, എം സൈതലവി മാസ്റ്റര്‍, വി.വി രാജിവന്‍, കെ ജ്യോതി, എം ശശിധരന്‍, എം ഗോപാലന്‍, എം ആനന്ദ്കുമാര്‍, യു.പി ശിഹാബുദ്ദീന്‍ സംസാരിച്ചു.