കൗണ്ടന്‍ (മലേഷ്യ) :ഏഷ്യന്‍സ് ചാമ്പ്യന്‍സ് ട്രോഫിയില്‍ ഇന്ത്യ ഫൈനലില്‍ . സെമിയില്‍ ദക്ഷിണ കൊറിയയെ ഷൂട്ടൗട്ടില്‍ പരാജയപ്പെടുത്തിയാണ് ഇന്ത്യ ഫൈനലില്‍ കടന്നത്.

ഇന്ത്യയുടെ മലയാളി ഗോള്‍ കീപ്പറും ക്യാപ്റ്റനുമായ പി.ആര്‍ ശ്രീജേഷിന്റെ മികവിലാണ് നീലപ്പട കൊറിയക്കാരെ മറികടന്നത്.

നേരത്തെ മത്സരിച്ച ടീമുകളുമായും ഇന്ത്യ ജയിച്ചിരുന്നു. റൗണ്ട് റോബിന്‍ ലീഗില്‍ ഒരു മത്സരം മാത്രമാണ് ഇന്ത്യ ജയിക്കാതിരുന്നത്. 1-1 ന് സമനിലയിലായിരുന്നു ഇന്ത്യ കൊറിയ പോരാട്ടം.

അതേസമയം മറ്റ് മത്സരങ്ങളില്‍ ജപ്പാനെ 102 നും പാകിസ്താനെ 32 നും ചൈനയെ 90 നും മലേഷ്യയെ 21 നും ഇന്ത്യ തോല്‍പ്പിച്ചിരുന്നു. ഷൂട്ടൗട്ടില്‍ ഇന്ത്യയുടെ അഞ്ചു ഷോട്ടുകളും കൊറിയന്‍ വലയില്‍ കയറിയപ്പോള്‍ കൊറിയക്കാരുടെ നാലു ഷോട്ടുകള്‍ മാത്രമാണ് ശ്രീജേഷിനെ മറികടന്നത്.

നേരത്തെ നിശ്ചിത സമയത്തും അധിക സമയത്തും 2-2 ന് ഇരുടീമും തുല്യത പാലിച്ചതോടെയാണ് മത്സരം ഷൂട്ടൗട്ടിലേക്ക് നീണ്ടത്. ദക്ഷിണ കൊറിയയുടെ നിര്‍ണായകമായ അവസാന ഷോട്ട് ശ്രീജേഷ് തട്ടിയകറ്റിയതോടെയാണ് ഇന്ത്യ ഫൈനലിലേക്ക് കടന്നത്.