അബൂജ: നൈജീരിയയില്‍ രണ്ടിടങ്ങളിലായുണ്ടായ ചാവേറാക്രമണത്തില്‍ ഏഴു പേര്‍ മരിച്ചു. വടക്കു കിഴക്കന്‍ പ്രദേശമായ മെയ്ദുഗിരിയിലാണ് ചാവേറാക്രമണം നടന്നത്. ഒരു വനിതാ ചാവേര്‍ സ്വയം പൊട്ടിത്തെറിച്ചുണ്ടായ സംഭവത്തില്‍ അഞ്ചുപേരാണ് മരിച്ചത്. ഇതിന് അരമണിക്കൂര്‍ കഴിഞ്ഞാണ് മറ്റൊരു സ്‌ഫോടനം നടന്നത്. ഇതില്‍ രണ്ടുപേരാണ് മരിച്ചത്. ബോക്കോ ഹറാം ഭീകരരാണ് ആക്രമണത്തിന് പിന്നിലെന്ന് സംശയിക്കുന്നതായി പൊലിസ് അറിയിച്ചു.