അമ്പലപ്പുഴ: പാടശേഖരത്ത് കൊയ്യാനിരുന്ന നെല്ല് തീപിടിച്ച് നശിച്ചു.ലക്ഷങ്ങളുടെ നാശ നഷ്ടം. കഞ്ഞിപ്പാടം കോലടിക്കാവ് പാടശേഖരത്താണ് തീപിടുത്തമുണ്ടായത്.ഇന്നലെ രാവിലെ 11 ഓടെ വൈക്കോലിന് തീയിട്ടപ്പോള്‍ ഇത് പടര്‍ന്ന് പാടത്ത് പിടിക്കുകയായിരുന്നു.
അടുത്ത ദിവസം കൊയ്യാനിരുന്ന 30 ക്വിന്റല്‍ നെല്ലാണ് കത്തി നശിച്ചത്.ചിത്തിരയില്‍ ഉദയകുമാര്‍, വിശാഖ് നിവാസില്‍ ഹര്‍ഷന്‍ ,പുതുവല്‍ വീട്ടില്‍ സുരേഷ് എന്നിവരുടെ നെല്ലാണ് കത്തിയത്.
ആലപ്പുഴയില്‍ നിന്ന് ഫയര്‍ഫോഴ്‌സും അമ്പലപ്പുഴയില്‍ നിന്നും പോലീസുമെത്തിയാണ് തീ അണച്ചത്. ഒരു ലക്ഷം രൂപയുടെ നാശ നഷ്ടം ഉണ്ടായതായി കര്‍ഷകര്‍ പറഞ്ഞു.