മലമ്പുഴ: അകമലവാരം വെള്ളെഴുത്താന്‍പെറ്റ പട്ടികവര്‍ഗ കോളനിയില്‍ വിറക് ശേഖരണവുമായി ഉണ്ടായ തര്‍ക്കത്തില്‍ ദമ്പതികളായ രണ്ടുപേര്‍ ആശുപത്രിയില്‍. കഴിഞ്ഞ ദിവസം കോളനിയിലെ താമസക്കാരായ കണ്ടമുത്തന്‍, ഭാര്യ വസന്ത എന്നിവരെയാണ് അയല്‍വാസികളായ ജോര്‍ജ് ജോസഫ് ചേര്‍ന്ന് മര്‍ദിച്ചത്.
ദമ്പതികള്‍ വീടിനടുത്ത് ശേഖരിച്ചിരുന്ന വിറക് സമീപത്തെ ഉപയോഗശൂന്യമായ കിണറില്‍ തള്ളിയ നിലയില്‍ കാണപ്പെട്ടിരുന്നു. എന്നാല്‍ ഇത് ഇവര്‍ തള്ളിയതാകാമെന്ന സംശയത്തില്‍ ചോദിച്ചതാണ് ജോര്‍ജിനേയും ജോസഫിനെയും പ്രകോപിതരാക്കിയത്. തുടര്‍ന്ന് ഇരുവരും ചേര്‍ന്ന് കണ്ടമുത്തനെയും വസന്തയെയും മര്‍ദ്ദിക്കുകയായിരുന്നു.
മര്‍ദ്ദനത്തെ തുടര്‍ന്ന് പരുക്കേറ്റ ഇവര്‍ ജില്ലാ ആശുപത്രിയില്‍ ചികിത്സക്കു വിധേയരായിരിക്കുകയാണ്. സംഭവവുമായി ബന്ധപ്പെട്ട മലമ്പുഴ പൊലിസില്‍ പരാതി നല്‍കിയിട്ടുണ്ടെങ്കിലും പ്രതികള്‍ക്കെതിരേ കേസെടുക്കണമെന്നാണ് കോളനി നിവാസികളുടെ ആവശ്യം.