അലനല്ലൂര്‍: എസ്.കെ.എസ്.എസ്.എഫ് കോട്ടപ്പുറം മേപ്പാറ ശാഖാ കമ്മിറ്റിയുടെ ആഭിമുഖ്യത്തില്‍ സംഘടിപ്പിച്ച ദിക്ര്‍ ദുആ സമ്മേളനം സമാപിച്ചു. 29 ന് മഗ്‌രിബ് നമസ്‌കാരാനന്തരം മജ്‌ലിസുന്നൂറോടെ തുടങ്ങി. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ശിഹാബുദ്ദീന്‍ ജിഫ്രി തങ്ങള്‍ ഉദ്ഘാടനം ചെയ്തു. അബ്ദുള്ള ദാരിമി അധ്യക്ഷനായി. വര്‍ക്കിങ് സെക്രട്ടറി അലി അഷ്‌കര്‍ ലക്ഷ്യ വിശദീകരണം നടത്തി. സി.കെ മൊയ്തുട്ടി മുസ്‌ലിയാര്‍ തെയ്യോട്ടുചിറ മുഖ്യ പ്രഭാഷണം നിര്‍വഹിച്ചു.  ചെമ്പുലങ്ങാട് ഉസ്താദ് നേത്യത്വം നല്‍കി. ശാഖാ ജനറല്‍ സെക്രട്ടറി മുഹ്‌സിന്‍ കമാലി സ്വാഗതവും കെ.പി റജീബ് നന്ദിയും പറഞ്ഞു.