നീലേശ്വരം: മടിക്കൈ പഞ്ചായത്തിലെ ഭൂരിഭാഗം ബൂത്തുകളിലും എല്‍.ഡി.എഫ് ഏജന്റുമാര്‍ മാത്രമേ ഉണ്ടായിരുന്നുള്ളൂ. നാമമാത്രമായ ബൂത്തുകളില്‍ പേരിന് മാത്രമാണ് യു.ഡി.എഫ്, ബി.ജെ.പി ഏജന്റുമാരുണ്ടായിരുന്നത്. മേക്കാട്ട് സ്‌കൂളില്‍ മാത്രമാണ് യു.ഡി.എഫിന്റെ ഏജന്റ് ഉണ്ടായിരുന്നത്. ബി.ജെ.പി ശക്തികേന്ദ്രമായ വാഴക്കോട്ടും അമ്പലത്തുകര, പൂത്തക്കാല്‍ ബൂത്തുകളിലും എന്‍.ഡി.എ യുടെ ഏജന്റും ഉണ്ടായിരുന്നു. പല ബൂത്തുകളിലും ഇടതുമുന്നണി പ്രവര്‍ത്തകര്‍ തങ്ങളെ ഇരിക്കാന്‍ അനുവദിച്ചില്ലെന്ന് യു.ഡി.എഫ്, എന്‍.ഡി.എ കേന്ദ്രങ്ങള്‍ ആരോപിച്ചു. ഇവിടങ്ങളില്‍ വ്യാപകമായ കള്ളവോട്ട് നടന്നതായും ഇവര്‍ കുറ്റപ്പെടുത്തി.