നിലമ്പൂര്‍: കേരള എന്‍.ജി.ഒ അസോസിയേഷന്‍ നിലമ്പൂര്‍ ബ്രാഞ്ചിന്റെ ആഭിമുഖ്യത്തില്‍ ഇന്ദിരാജി അനുസ്മരണം നടത്തി. നിലമ്പൂര്‍ നെഹ്‌റു സ്‌ക്വയറില്‍ ബ്ലോക്ക് കോണ്‍ഗ്രസ് പ്രസിഡന്റ് എ. ഗോപിനാഥ് ഇന്ദിരാഗാന്ധിയുടെ ഛായചിത്രത്തിന് മുന്നില്‍ പുഷ്പാര്‍ച്ചന നടത്തി ഉദ്ഘാടനം ചെയ്തു. ബ്രാഞ്ച് പ്രസിഡന്റ് കെ.പി. പ്രശാന്ത് അധ്യക്ഷനായി.
സംസ്ഥാന കമ്മിറ്റിയംഗം സുനില്‍ കാരക്കോട്, സി. വിഷ്ണുദാസ്, കെ. ഷബീര്‍, എം.എസ് ഷിബുകുമാര്‍, കെ. മിഥിലേഷ് സംസാരിച്ചു.
നിലമ്പൂര്‍: ഐ.എന്‍.ടി.യു.സി നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ ഇന്ദിരാജി സ്മൃതി സദസ് സംഘടിപ്പിച്ചു. എന്‍.എ കരീം ഉദ്ഘാടനം ചെയ്തു. വി.എ കരീം, പട്ടിക്കാടന്‍ ഷാനവാസ്, എ.ഗോപിനാഥ്, പാലൊളി മെഹബൂബ് തുടങ്ങിയവര്‍ സംസാരിച്ചു.
ഇന്ദിരാജി അമര്‍ രഹേഗാ സംഘടിപ്പിച്ചു
മഞ്ചേരി: മുന്‍ പ്രധാനമന്ത്രി ഇന്ദിരാഗാന്ധിയുടെ 32-ാംരക്തസാക്ഷി ദിനത്തോടനുബന്ധിച്ച് മഞ്ചേരി മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ ഇന്ദിരാജി അമര്‍ രഹേഗാ എന്ന പ്രത്യേക പരിപാടി സംഘടിപ്പിച്ചു.
32-ാം രക്തസാക്ഷി ദിനത്തില്‍ 32ദീപം തെളിയിച്ചുകൊണ്ടാണ് ചടങ്ങിനു തുടക്കമായത്. മുതിര്‍ന്ന കോണ്‍ഗ്രസ് നേതാവ് മംഗലം ഗോപിനാഥ് ഉദ്ഘാടനം ചെയ്തു. മണ്ഡലം പ്രസിഡന്റ് ഹനീഫ് പുല്ലൂര്‍ അധ്യക്ഷനായി. ബ്ലോക്ക് പ്രസിഡന്റ് വല്ലാഞ്ചിറ ഹുസൈന്‍ പ്രതിജ്ഞ ചൊല്ലിക്കൊടുത്തു.