പുതുനഗരം: മഴ മൂലം പോളിങ്ങ് സ്‌റ്റേഷനിലേക്ക് വോട്ടര്‍മാര്‍ എത്തുവാന്‍ വൈകിത് മുന്നണി നേതാക്കളെ ആശങ്കയിലാക്കി. മഴമൂലം പുതുനഗരം, പെരുവെമ്പ്, കൊടുവായൂര്‍ മേഖലകലിലെ പോളിങ്ങ് ബൂത്തുകലിലേക്ക് വോട്ടര്‍മാരെത്തുവാന്‍ വൈകിയതാണ് പാര്‍ട്ടി അണികളില്‍ ആശങ്കയുണ്ടാക്കിയത്.
രാവിലെ പത്തുണിവരെ വോട്ടര്‍മാരുടെ വരവ് കുറഞ്ഞതിനാല്‍ ഓട്ടോപിടിച്ചും മറ്റുവാഹനങ്ങള്‍ സംഘടിപ്പിച്ചും വോട്ടര്‍മാരെ എത്തിക്കാന്‍ ശ്രമം ആരംഭിക്കുകയാണുണ്ടായത്. പുതുനഗരം മുസ്്‌ലീം ഹൈസ്‌ക്കൂളിനുസമീപം രാഷ്ട്രീയപാര്‍ട്ടികളുടെ പ്രവര്‍ത്തകര്‍ കൂട്ടമായി നിന്നത് സി.ഐ ഉള്‍പ്പടെ പൊലിസ് എത്തി വിരട്ടിയോടിക്കുകയാണുണ്ടായത്.
പട്ടഞ്ചേരി, കന്നിമാരി, പെരുമാട്ടി എന്നിവിടങ്ങളിലും വോട്ടര്‍മാരെ സ്വാധീനിക്കുവാന്‍ പോളിങ്ങ് സ്‌റ്റേഷന്റെ പരിസരത്തെത്തിയ പാര്‍ട്ടിപ്രവര്‍ത്തകരെ പൊലിസ് വിരട്ടിയോടിച്ചു.
നെന്മാറ മണ്ഡലത്തില്‍ എ.ഐ.എ.ഡി.എം.കെ സ്ഥാനാര്‍ഥി മല്ലിയ പ്ലാച്ചിമടക്കടുത്തുള്ള നെല്ലിമേട് സ്‌ക്കൂളിലെ ബൂത്തിലലെത്തിയത് ചില രാഷ്ട്രീയപ്രവര്‍ത്തകര്‍ തടഞ്ഞുവെച്ച് വാക്കേറ്റം നടത്തിയത് ചെറിയതോതില്‍ സംഘര്‍ഷത്തിനിടയാക്കി.
തുടര്‍ന്ന് പൊലിസ് എത്തിയാണ് പ്രശ്‌നം പരിഹരിച്ചത്. സ്ഥാനാര്‍ഥിയെ തടയുകയും വാക്കേറ്റം നടത്തുകയും ചെയ്തവര്‍ക്കെതിരെ നടപടിവേണമെന്ന് എ.ഐ.എ.ഡി.എംകെ പ്രവര്‍ത്തകര്‍പൊലിസിനോട് ആവശ്യപെട്ടു.