ഗൂഡല്ലൂര്‍: വനത്തില്‍ കുട്ടിയാനയെ ചരിഞ്ഞ നിലയില്‍ കണ്ടെത്തി. മുതുമല വന്യജീവി സങ്കേതത്തിലെ മാവനല്ല വനത്തിലാണ് രണ്ട് മാസം പ്രായമുള്ള ആനക്കുട്ടിയെ ചരിഞ്ഞ നിലയില്‍ വനംവകുപ്പ് അധികൃതര്‍ കണ്ടെത്തിയത്. ആനക്കുട്ടിയുടെ മരണം സ്വാഭാവിക മരണമാണെന്ന് വനംവകുപ്പ് അധികൃതര്‍ പറഞ്ഞു. വനത്തിനുള്ളില്‍ നിരീക്ഷണം നടത്തുന്ന വനപാലകരാണ് കുട്ടിയാനയുടെ ജഡം കണ്ടെത്തിയത്. തുടര്‍ന്ന് ഇവര്‍ മുതുമല വന്യജീവി സങ്കേതത്തില്‍ വിവരമറിയിക്കുകയായിരുന്നു. മുതുമലയിലെ റെയ്ഞ്ചര്‍മാരായ ആരോഗ്യസ്വാമി, കാന്തന്‍, വെറ്ററിനറി സര്‍ജന്‍ ഡോ. വിജയരാഘവന്‍ എന്നിവരുടെ നേതൃത്വത്തിലുള്ള സംഘം സ്ഥലത്തെത്തി തുടര്‍നപടികള്‍ സ്വീകരിച്ചു.