കാളികാവ്: വൈദ്യുതി ലൈന്‍ പൊട്ടിവീണു ഷോക്കേറ്റ് ആട് ചത്തു. പള്ളിശ്ശേരി മധുമല ട്രാന്‍സ്‌ഫോര്‍മറില്‍നിന്നുള്ള സ്റ്റേവയര്‍ പൊട്ടിയാണ് അപകടം. തിങ്കളാഴ്ച വൈകീട്ട് നാലിനായിരുന്നു സംഭവം.
വെന്തോടന്‍ അബ്ദുഹാജിയുടെ ആടാണ് ചത്തത്. രണ്ടു ദിവസം മുന്‍പാണ് ലൈന്‍ പൊട്ടിവീണതെന്ന് നാട്ടുകാര്‍ പറഞ്ഞു. വൈദ്യുതി തടസം ഓഫിസില്‍ വിളിച്ചുപറഞ്ഞിരുന്നെങ്കിലും അധികൃതര്‍ക്കു തകരാര്‍ കണ്ടെത്താന്‍ കഴിഞ്ഞിരുന്നില്ല.