മഞ്ചേരി: കുട്ടശ്ശേരി വലിയപൊയില്‍ ഹിഫ്‌ളുല്‍ ഖുര്‍ആന്‍ സ്‌കൂള്‍ മൂന്നാം വാര്‍ഷിക ഒന്നാം സനദ്ദാന സമ്മേളനത്തിനു ഇന്നു തുടക്കമാവും. വൈകീട്ട് നാലിന് ഖബര്‍ സിയാറത്തോടെ  തുടങ്ങുന്ന പരിപാടി  കുഞ്ഞിമുഹമ്മദ് ദാരിമി ഉദ്ഘാടനം ചെയ്യും.  പതിമൂന്നുകാരന്‍ ഹാഫിള് ജാബിര്‍ എടപ്പാള്‍  പ്രഭാഷണം നടത്തും.  നാളെ സനദ് ദാന സമാപന സമ്മേളനം  പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും.  സയ്യിദ് ഹമീദലി ശിഹാബ്തങ്ങള്‍ അധ്യക്ഷനാകും. സമസ്ത ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍  പ്രഭാഷണം നടത്തും.  പി.കെ കുഞ്ഞാലികുട്ടി, അഡ്വ. എം ഉമ്മര്‍, ആനമങ്ങാട് മുഹമ്മദ് കുട്ടിഫൈസി, എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, ഫിറോസ് തങ്ങള്‍ പേലേപ്പുറം, ഫാറൂഖ്‌ഫൈസി, അനസ് വാഫി , എം.അഹമ്മദ് എന്ന നാണി  തുടങ്ങിയവര്‍ പങ്കെടുക്കും.