രാജപുരം: ഒന്‍പതാം ക്ലാസ് വിദ്യാര്‍ഥിനിയായ 14കാരിയെ പീഡിപ്പിച്ചതിന് രണ്ട് പേര്‍ക്കെതിരെ രാജപുരം പൊലിസ് കേസെടുത്തു. ഒരാളെ അറസ്റ്റ് ചെയ്തു. പെണ്‍കുട്ടിയെ അഞ്ച് വര്‍ഷം മുന്‍പു പീഡിപ്പിച്ച സംഭവത്തില്‍ പൂടങ്കല്ല് എടക്കടവിലെ ഇബ്രാഹിമി(55)നെയാണ് അറസ്റ്റു ചെയ്തത്. പെണ്‍കുട്ടിയെ മറ്റൊരാള്‍ പീഡിപ്പിച്ചതായും പരാതിയുണ്ട്. കഴിഞ്ഞ മാസം 27 നാണു സംഭവം. ഒരു ബന്ധുവിനെതിരെയാണ് കേസ്. പെണ്‍കുട്ടി അസ്വസ്ഥത പ്രകടിപ്പിച്ചതിനെത്തുടര്‍ന്ന് വീട്ടുകാര്‍ ചൈല്‍ഡ് ലൈന്‍ അധികൃതരെ വിവരമറിയിക്കുകയായിരുന്നു. ഇവര്‍ നടത്തിയ കൗണ്‍സിലിങ്ങിനിടെയാണ് രണ്ടു സംഭവങ്ങളും കുട്ടി പറഞ്ഞത്.