മുളവുകാട്: കാര്‍ഷിക വികസന കര്‍ഷക ക്ഷേമ വകുപ്പ് കൃഷിഭവന്‍ വഴി മുളവുകാട് സ്റ്റെല്ലാമാരീസ് മൊണാസ്ട്രിയില്‍ നടത്തിയ കരനെല്‍ കൃഷിയുടെ കൊയ്ത്തുത്സവം കേരളപ്പിറവി ദിനത്തില്‍ നടത്തി. ഗ്രാമപഞ്ചായത്ത് പ്രസിഡന്റ് വിജി ഷാജന്‍ ഉദ്ഘാടനം ചെയ്തു.
വൈസ് പ്രസിഡന്റ് ബെന്നി, വാര്‍ഡ് മെമ്പര്‍മാരായ ആന്റണി അനീഷ്, ബോണി അരൂജ, മൊണാസ്ട്രിയിലെ ഫാദര്‍ സുപ്പീരിയര്‍ ഓസി കളത്തില്‍, ഫാദര്‍ ഹിപ്പോളിറ്റസ്, കളമശ്ശേരി ബ്ലോക്ക് കൃഷി അസിസ്റ്റന്റ് ഡയറക്ടര്‍ കെ.എസ് ഷീബ, കൃഷി ഓഫിസര്‍ ഷെറോണ്‍ ഫെര്‍ണാണ്ടസ്, കൃഷി അസിസ്റ്റന്റ് കെ.എം സുനില്‍, ജൈവ കേന്ദ്ര ആത്മഗ്രൂപ്പ് അംഗങ്ങളായ റെനി ഗബ്രിയേല്‍, പി.ജെ ജോര്‍ജ്, മേളി ജോണി എന്നിവര്‍ സംബന്ധിച്ചു. അത്യുല്‍പ്പാദന ശേഷിയുള്ള 'ഉമ' ഇനം നെല്‍വിത്തുപയോഗിച്ചായിരുന്നു കൃഷിയിറക്കിയത്.