കേരളം: സംസ്ഥാനത്തെ ഏറ്റവും വലിയ സംരംഭക സമ്മേളനം  'ടൈക്കോണ്‍ കേരള  2016' നവംബര്‍ 18, 19 തീയതികളിലായി ലേ മെറിഡിയന്‍ കണ്‍വെന്‍ഷന്‍ സെന്ററില്‍  നടക്കും.    സംരംഭകത്വം പ്രോത്സാഹിപ്പിക്കുതിനുള്ള ആഗോള സംഘടനയായ ദി ഇന്‍ഡസ് എന്റര്‍പ്രണേഴ്‌സ് (ടൈ)ന്റെ കേരളാ ഘടകമായ ടൈ കേരളയാണ് സമ്മേളനത്തിന്റെ സംഘാടകര്‍. ടൈ കേരള ഒരുക്കുന്ന 5ാം മത്തെ സമ്മേളനമാണിത്.  കേരളത്തിനകത്തും പുറത്തുനിന്നുമായി ആയിരത്തിലധികം യുവസംരംഭകരും പ്രതിനിധികളും പരിപാടിയില്‍ പങ്കെടുക്കും.


മനുഷ്യജീവിതവുമായി ബന്ധപ്പെട്ടുകിടക്കുന്ന ഏതൊരു മേഖലയിലെയും, വ്യവസ്ഥാപിതമായ കാഴ്ചപ്പാടുകളെയും, പ്രര്‍ത്തനരീതികളെയും അട്ടിമറിക്കുന്ന നൂതന ആശയങ്ങളാണ് സംരംഭകത്വത്തിന്റെ അടിത്തറ. സംരംഭകത്വം സംബന്ധിച്ച അറിവുകള്‍  യുവജനങ്ങള്‍ക്കും  വിദ്യാര്‍ഥികള്‍ക്കും      പകര്‍ന്നുനല്‍കാനും കൂടുതല്‍ യുവ സംരംഭകരെ സൃഷ്ടിക്കുവാനും വളര്‍ത്തുവാനൂമാണ് സമ്മേളനം ലക്ഷ്യമിടുന്നത്.ടൈ കേരള പ്രസിഡന്റ്  രാജേഷ് നായര്‍ പറഞ്ഞു.