കല്‍പ്പറ്റ: ഏക സിവില്‍കോഡ് നടപ്പാക്കാനുള്ള കേന്ദ്ര സര്‍ക്കാര്‍ നീക്കത്തിനെതിരെ മുസ്‌ലിം പേഴ്‌സനല്‍ ലോ ബോര്‍ഡ് നടത്തുന്ന ഒപ്പ് ശേഖരണം വിജയപ്പിക്കാന്‍ മഹല്ല് കമ്മിറ്റികള്‍ രംഗത്തിറങ്ങണമെന്ന് സമസ്ത, ജംഇയ്യത്തുല്‍ മുഅല്ലിമീന്‍, എസ്.വൈ.എസ്, എസ്.എം.എഫ് ജില്ലാ കമ്മിറ്റികള്‍ അഭ്യര്‍ഥിച്ചു.
സമസ്തയുടെയും കീഴ്ഘടകങ്ങളുടെയും പ്രവര്‍ത്തകര്‍, വീടുകള്‍, അങ്ങാടികള്‍, ആരാധനാലയങ്ങള്‍ തുടങ്ങിയവ കേന്ദ്രീകരിച്ച് നിശ്ചിത ഫോറത്തില്‍ പേരും വിലാസവും സഹിതം ഒപ്പുകള്‍ ശേഖരിക്കണമെന്നും സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, സെക്രട്ടറി എസ് മുഹമ്മദ് ദാരിമി, ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് എം.എം ഇമ്പിച്ചിക്കോയ മുസ്‌ലിയാര്‍, സെക്രട്ടറി അഷ്‌റഫ് ഫൈസി, എസ്.വൈ.എസ് ജില്ലാ പ്രസിഡന്റ് ഇബ്‌റാഹീം ഫൈസി പേരാല്‍, സെക്രട്ടറി ഷംസുദ്ധീന്‍ റഹ്മാനി, എസ്.എം.എഫ് ജില്ലാ പ്രസിഡന്റ് ടി.സി അലി മുസ്‌ലിയാര്‍, സെക്രട്ടറി കെ.എം ആലി എന്നിവര്‍ ആഹ്വാനം ചെയ്തു. ഫോറങ്ങള്‍ ംംം.മൊമേെവമ.ശിളീ, ംംം.സെഷാരര.രീാ, ംംം.സെളൈ.ശി തുടങ്ങിയ വെബ്‌സൈറ്റുകളില്‍ ലഭിക്കും.