പാപ്പിനിശ്ശേരി: അനധികൃതമായി മണല്‍ കടത്തവേ മൂന്ന് മിനി ലോറികളുമായി രണ്ടുപേര്‍ പൊലിസ് പിടിയില്‍. മാങ്കടവ് പൊക്കന്റകത്ത് നസീര്‍ എന്ന ദുബായിക്കണ്ടി നസീര്‍(34), കല്ലൈക്കല്‍ സ്വദേശി തട്ടാവളപ്പില്‍ റിയാസ് (32) എന്നിവരെയാണ് ഇന്നലെ രാവിലെ മാങ്കടവ് റോഡില്‍ വളപട്ടണം എസ്.ഐ ശ്രീജിത്ത് കൊടേരിയും സംഘവും പിടികൂടിയത്. ഒരാള്‍ ഓടി രക്ഷപെട്ടു. മാങ്കടവ്, കല്ലൂരി കടവുകളില്‍ നിന്ന് സ്ഥിരമായി മണല്‍ വാരുന്ന സംഘത്തില്‍പെട്ടവരാണിതെന്ന് പൊലിസ് പറഞ്ഞു. ലോറികളിലെ നമ്പര്‍പ്ലേറ്റ് വ്യക്തമല്ല. കടവുകളില്‍ അനധികൃത മണലൂറ്റ് വ്യാപകമായതിനെ തുടര്‍ന്ന് വളപട്ടണം സി.ഐ രത്‌നകുമാറിന്റെ നിര്‍ദേശപ്രകാരമായിരുന്നു റെയ്ഡ്. പ്രതികളെ കോടതി റിമാന്‍ഡ് ചെയ്തു.