തലശ്ശേരി: മാഹിയില്‍ നിന്നു കാറില്‍ കടത്തുകയായിരുന്ന 240 കുപ്പി മദ്യം പൊലിസ് പിടികൂടി. ചൊവ്വാഴ്ച രാത്രി പത്തോടെ മാക്കുനി പൊന്ന്യംപാലത്താണ് എസ്.ഐ നിഷിത്തും സംഘവും വാഹന പരിശോധനയ്ക്കിടെ മദ്യം പിടികൂടിയത്. പൊലിസിനെ കണ്ടയുടന്‍ കാര്‍ നിര്‍ത്തി ഡ്രൈവര്‍ ഓടിരക്ഷപ്പെട്ടു. കാര്‍ പൊലിസ് കസ്റ്റഡിയിലെടുത്തു. പ്രതിക്കായി അന്വേഷണം ഊര്‍ജിതമാക്കി. കാറിന്റെ ഉടമസ്ഥാവകാശം നാലുതവണ മാറ്റിയതായി പൊലിസ് അന്വേഷണത്തില്‍ കണ്ടെത്തി. കുറഞ്ഞ വിലയ്ക്ക് മാഹിയില്‍ നിന്നു ഗുണനിലവാരം കുറഞ്ഞ മദ്യമാണ് മലയോര മേഖലകളിലേക്കടക്കം കടത്തുന്നത്. അരലിറ്ററിന് 90 രൂപ മാത്രമാണ് പൊലിസ് പിടികൂടിയ മദ്യത്തിനുള്ളത്.