തിരൂര്‍: സാഹിത്യപ്രവര്‍ത്തക സഹകരണസംഘത്തിന്റെ ആഭിമുഖ്യത്തിലുള്ള പുസ്തകോത്സവത്തിനു തിരൂര്‍ ബസ് സ്റ്റാന്‍ഡ് പരിസരത്തെ മൗലാന സ്‌ക്വയറില്‍ തുടക്കമായി. നഗരസഭാ ചെയര്‍മാന്‍ എസ്. ഗിരീഷ് ഉദ്ഘാടനം ചെയ്തു. വയലാര്‍ അവാര്‍ഡ് നേടിയ 'തക്ഷകന്‍കുന്ന് സ്വരൂപമടക്കം അംഗീകാരങ്ങള്‍ വാരിക്കൂട്ടിയ ഒട്ടേറെ സാഹിത്യകൃതികള്‍ മേളയിലുണ്ട്.
പ്രദര്‍ശനകാലയളവില്‍ പുസ്തകങ്ങള്‍ക്ക് 35 ശതമാനംവരെ ഇളവ് നല്‍കുമെന്ന് എന്‍.ബി.എസ് മാനേജര്‍ എന്‍.കെ സജിനി പറഞ്ഞു. ലൈബ്രറികള്‍, വിദ്യാഭ്യാസ - സാംസ്‌കാരിക സ്ഥാപനങ്ങള്‍ എന്നിവയ്ക്ക് ഇളവോടുകൂടിയ പ്രത്യേക പാക്കേജ് അനുവദിക്കും. നവംബര്‍ 12നു സമാപിക്കും.