പൊന്നാനി: ജയിലിലെ അന്തേവാസികളുടെ മാനസാന്തരവും ഉന്നമനവും ലക്ഷ്യമിട്ടു ലയണ്‍സ് ഇന്റര്‍നാഷണല്‍ ആരംഭിച്ച 'മാനസാന്തരം' പദ്ധതിക്ക് പൊന്നാനി സബ് ജയിലില്‍ തുടക്കമായി. അന്തേവാസികള്‍ക്കും, കുടുംബാംഗങ്ങള്‍ക്കും സാന്ത്വനവും പരിവര്‍ത്തനവും സാധ്യമാക്കുന്ന വിവിധോദ്ദേശപദ്ധതികളാണ് ആരംഭിച്ചത്.
ഇതിന്റെ ഭാഗമായി മാനസിക ഉല്ലാസത്തിനുള്ള ഉപകരണങ്ങളുടെ വിതരണം ലയണ്‍സ് പ്രൊജക്ട് കോഡിനേറ്റര്‍ മുഹമ്മദ് പൊന്നാനി നിര്‍വഹിച്ചു. അന്തേവാസികളുടെ കുടുംബാംഗങ്ങള്‍ക്കുള്ള ഇരിപ്പിട സൗകര്യവും ക്ലബ് ഒരുക്കി. പ്രസിഡന്റ് പി. നാരായണന്റെ അധ്യക്ഷതയില്‍ നടന്ന ചടങ്ങില്‍ ജയില്‍ സൂപ്രണ്ട് പി.വി ചന്ദ്രന്‍, ലയണ്‍സ് ഡിസ്ട്രിക്ട് ചെയര്‍മാന്‍ കെ. വേണു എന്നിവര്‍ സംസാരിച്ചു.