ആലപ്പുഴ: കൂച്ച് ബിഹാര്‍ അണ്ടര്‍ 19 ക്രിക്കറ്റ് മത്സരങ്ങള്‍ക്ക് നാളെ ആലപ്പുഴയില്‍ തുടക്കമാവും. കേരളത്തിന്റെ നാലു ഹോം മാച്ചുകളും ആലപ്പുഴ എസ്.ഡി കോളജ് ഗ്രൗണ്ടില്‍ നടക്കും. നാളെ മുതല്‍ എട്ടു വരെ ഹരിയാനയുമായാണ് ആദ്യ മത്സരം. 14 ന് ഉത്തര്‍പ്രദേശിനെയും 21 ന് മഹാരാഷ്ട്രയെയും നേരിടുന്ന ആതിഥേയര്‍ 28 ന് അവസാന ഹോം മത്സരത്തില്‍ റെയില്‍വേയുമായി ഏറ്റുമുട്ടും. ഡിസംബര്‍ അഞ്ചിന് ഡല്‍ഹിയെ അവരുടെ തട്ടകത്തിലും 19 ന് ബംഗാളിനെ കൊല്‍ക്കത്തയിലും നേരിടും.
കേരള ടീം: സിജോ മോന്‍ ജോസഫ് (നായകന്‍), എസ്.കെ റോഷന്‍, ഡാരില്‍ എസ് ഫെരാരിയോ, എഫ് ഫാനൂസ്, ആനന്ദ് കൃഷ്ണന്‍, അര്‍ജുന്‍ അജി, പി ഫൈസല്‍, അതുല്‍ രവീന്ദ്രന്‍, ജി.കെ പ്രേം സാഗര്‍, അശ്വിന്‍ ആനന്ദ്, അഖില്‍ അനില്‍, എസ് സച്ചിന്‍ (വിക്കറ്റ് കീപ്പര്‍).