തിരൂര്‍: ഭക്ഷ്യസുരക്ഷാ പട്ടികയിലെ അപാകതയില്‍ പ്രതിഷേധിച്ചു താലൂക്ക് സിവില്‍ സപ്ലൈസ് ഓഫിസിലേക്ക് യൂത്ത്‌കോണ്‍ഗ്രസ് നടത്തിയ മാര്‍ച്ചിനിടെ പൊലിസിനെ ആക്രമിച്ച കേസില്‍ ഒരാള്‍ അറസ്റ്റില്‍. ഡി.സി.സി അംഗം മൂച്ചിക്കല്‍ സ്വദേശി മങ്കുഴിയില്‍ വാസു (51)വിനെയാണ് തിരൂര്‍ എസ്.ഐ കെ.ആര്‍ രഞ്ജിത് അറസ്റ്റ് ചെയ്തത്.
കേസില്‍ ഒന്നാംപ്രതിയാണ് വാസുവെന്നു പൊലിസ് അറിയിച്ചു.
മാര്‍ച്ച് പൊലിസ് തടഞ്ഞതിനിടെ ആക്രമിച്ചെന്നാണ് കേസ്.  യൂത്ത്‌കോണ്‍ഗ്രസ് മണ്ഡലം പ്രസിഡന്റ് യാസര്‍ പൊട്ടച്ചോല, ഷാജി പാച്ചേരി, വാസു വാക്കാട്, അലിമോന്‍, നസറുല്ല പറവണ്ണ തുടങ്ങിയവരെ മുഖ്യപ്രതികളാക്കി നൂറോളം പേര്‍ക്കെതിരേയാണ് പൊലിസ് കേസെടുത്തിട്ടുള്ളത്.