ഗോണികൊപ്പ : മുഖ്യമന്ത്രി  സിദ്ധരാമയ്യക്ക്  ചരിത്രമറിയില്ലെന്നും ചരിത്രത്തെക്കുറിച്ച് അറിവുണ്ടണ്ടെങ്കില്‍ ടിപ്പു ജയന്തി അഘോഷിക്കുവാന്‍ തുനിയില്ലെന്നും  കുടക് -മൈസൂര് മണ്ഡലം എം.പി പ്രതാപ സിംഹന്‍ പറഞ്ഞു.   മൈസൂര് ഗെസറ്റില്‍ ചെന്ന് ടിപ്പുവിന്റെ ചരിത്രം പഠിക്കാന്‍ മുഖ്യമന്ത്രി തയാറാവണമെന്നും  അദ്ദേഹം പരിഹസിച്ചു.  ഗോണികൊപ്പ ആര്‍.എം.സി അങ്കണത്തില്‍  മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. മുസ്‌ലിം സമൂഹത്തില്‍ ജയന്തി ആഘോഷമില്ലെന്നും മുസ്‌ലിം വോട്ട് ബാങ്ക് ലക്ഷ്യം വച്ചു കൊണ്ടണ്ടുള്ള സര്‍ക്കാരിന്റെ പദ്ധതിയാണിതെന്നും പ്രതാപസിംഹന്‍ ആരോപിച്ചു.