കോട്ടയം:  എഡ്യൂക്കേഷണല്‍ ലോണീസ് വെല്‍ഫെയര്‍ അസോസിയേഷന്‍ പ്രതിഷേധ സംഗമവും കൂട്ടധര്‍ണയും സംഘടിപ്പിക്കും.
നാളെ രാവിലെ 11ന് കഞ്ഞിക്കുഴിയിലുള്ള സ്റ്റേറ്റ് ബാങ്ക് ഓഫ് ട്രാവന്‍കൂറിന്റെ ലീഡ്  ബാങ്ക് ഓഫിസിന്          മുന്നിലേക്കാണ് പ്രകടനവും ധര്‍ണയും.വിദ്യാഭ്യാസ വായ്പയെടുത്ത രക്ഷിതാക്കളോടും വിദ്യാര്‍ഥികളോടും ബാങ്ക് ഉദ്യോഗസ്ഥര്‍ നടത്തുന്ന നീതിനിഷേധത്തിനും റവന്യൂ റിക്കവറിക്കും എതിരെയാണ് പരിപാടി. ധര്‍ണ പി.സി  ജോര്‍ജ്ജ് എം.എല്‍.എ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.  വാര്‍ത്താസമ്മേളനത്തില്‍      ഭാരവാഹികളായ ജോസ് ഫ്രാന്‍സിസ്, രാജന്‍ കെ നായര്‍, ജോര്‍ജ്ജ് മാത്യു, കുഞ്ഞുമോള്‍ വര്‍ഗ്ഗീസ്, എം ജെ സെബാസ്റ്റ്യന്‍ എന്നിവര്‍ പങ്കെടുത്തു.