കോഴിക്കോട്: മാനാഞ്ചിറ- വെള്ളിമാട്കുന്ന് റോഡില്‍ മൂന്നാംഘട്ട വികസനം അപകടങ്ങള്‍ വര്‍ധിച്ചുവരുന്ന കിഴക്കെ നടക്കാവില്‍ നടത്തുമെന്ന് ജില്ലാ ഭരണകൂടം.
 ഇതിനെ തുടര്‍ന്ന് നടക്കാവ് വികസന സമിതിയുടെ ആഭിമുഖ്യത്തില്‍ നാലു ദിവസമായി പൊതുപ്രവര്‍ത്തകരായ കെ.പി വിജയകുമാര്‍, പി.എം പ്രേമരാജന്‍ എന്നിവര്‍ നടത്തിവന്ന നിരാഹാര സമരം അവസാനിപ്പിച്ചു.
സി.പി.ഐ ജില്ലാ സെക്രട്ടറി ടി.വി ബാലന്‍ നാരങ്ങാനീര്‍ നല്‍കി. തായാട്ട് ബാലന്‍ അധ്യക്ഷനായി. സ്വാതന്ത്ര്യസമര സനാനി പി. വാസു, മുന്‍ ജില്ലാ ജഡ്ജി കൃഷ്ണന്‍കുട്ടി, അഡ്വ. കെ. ആനന്ദകനം, എന്‍. ഭാഗ്യനാഥ്, എം.കെ ബാലകൃഷ്ണന്‍, എ.കെ ആലിക്കുട്ടി, എം. ബാലഗോപാല്‍, കെ. സഹദേവന്‍ സംബന്ധിച്ചു.