ഗുരുവായൂര്‍: കാവീട് തലേങ്ങാട്ടിരിയില്‍ വീട്ടുവളപ്പില്‍ നിര്‍ത്തിയിട്ടിരുന്ന ലോറിയുടെ ഡീസല്‍ ടാങ്കില്‍ തുണി തിരുകിക്കയറ്റി സാമൂഹ്യ വിരുദ്ധര്‍ തീ കൊടുത്തു. വെള്ളിയാഴ്ച അര്‍ധരാത്രിയാണ് സംഭവം. ടാങ്കും ബാറ്ററിയും കത്തി നശിച്ചു. മറ്റു ഭാഗങ്ങളിലേക്ക് തീ പടരും മുന്‍പെ വീട്ടുകാര്‍ അറിയുകയും തീയണക്കുകയുമായിരുന്നു. തലേങ്ങാട്ടിരി ചെറുപറമ്പില്‍ ശിവദാസന്റ മകന്‍ ധനൂപിന്റെയാണ് ലോറി. കഴിഞ്ഞ ദിവസം ഇവിടെ നഗരസഭ കൗണ്‍സിലറുടെ വീടിനു നേരെ ആക്രമണം നടന്നിരുന്നു.