കൊയിലാണ്ടി: നാളെയുടെ സമൂഹത്തിന്റെ നായകരാകേണ്ട ഇന്നത്തെ വിദ്യാര്‍ഥി സമൂഹം ധാര്‍മിക ബോധമുള്ളവരായി മാതൃകാജീവിതം നയിക്കണമെന്നും അതിനുതകുന്ന കൂട്ടുജീവിതവും വിദ്യാഭ്യാസവും നേടിയെടുക്കണമെന്നും എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണിക്കാട് സയ്യിദ് ഹമീദലി ശിഹാബ് തങ്ങള്‍ പറഞ്ഞു. കൊയിലാണ്ടി മാടാക്കര മുഹമ്മദിയ്യാ കാംപസില്‍ കെ.സി അഹമ്മദ് കുട്ടി നഗറില്‍ നടന്ന എസ്.കെ.എസ്.ബി.വി ജില്ലാ നേതൃസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്വാഗതസംഘം ചെയര്‍മാന്‍ പി.വി ഹംസ പതാക ഉയര്‍ത്തി. സൈനുല്‍ ആബിദീന്‍ തങ്ങള്‍ പ്രാര്‍ഥന നടത്തി.
എസ്.കെ.ജെ.എം ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ അധ്യക്ഷനായി. അഷ്‌റഫ് മാസ്റ്റര്‍ മലയില്‍ ക്ലാസെടുത്തു. കണ്‍വീനര്‍ പി. ഹസൈനാര്‍ ഫൈസി, പി. ശബീര്‍ റഹ്മാനി, സി.പി.എ സലാം മൗലവി, വി.പി ആശിഖ്, പി.ആര്‍ ഇസ്മയില്‍, പി.ടി അഷ്‌റഫ്, എന്‍.വി കുഞ്ഞഹമ്മദ് ഹാജി, കെ അന്‍വര്‍ ഫൈസി, എം അബ്ബാസ് കോയ മുസ്‌ലിയാര്‍, പി.പി ഫാഇസ്, കെ.കെ തന്‍വീര്‍, ദാനിഷ് കെ.വി, അനസ് കെ.എം.കെ, സഅദ് വി.പി സംസാരിച്ചു. ഹാമിസുല്‍ ഫുആദ്, വി.ആര്‍ മുഹമ്മദ് ഹസന്‍ ജിഫ്‌രി, മുനീബ് പേരാമ്പ്ര, ഇജ്‌ലാല്‍ പാറപ്പള്ളി, റിസ്‌വിന്‍ കാപ്പാട്, സി.വി മുഹ്‌സിന്‍ ഓമശ്ശേരി, കെ.എം മൂസ മൗലവി, കെ.കെ കുഞ്ഞായിന്‍ മുസ്‌ലിയാര്‍ സംബന്ധിച്ചു.