കഴക്കൂട്ടം: ദേശീയപാതയില്‍ പള്ളിപ്പുറം സി.ആര്‍.പി.എഫ് ജങ്ഷനില്‍ പുതിയ  ട്രാഫിക് സിഗ്‌നല്‍ സംവിധാനത്തിന്റെ ഉദ്ഘാടനം തിങ്കളാഴ്ച വൈകിട്ട് നാലരയ്ക്ക്  കെല്‍ട്രോണ്‍ ജി.എം ജയകുമാറിന്റെ സാന്നിദ്ധ്യത്തില്‍ പള്ളിപ്പുറം സി.ആര്‍.എഫ് ഡി.ഐ.ജി ശ്രീനിവാസ് നിര്‍വഹിക്കും. നിലവില്‍ സി.ആര്‍.പി എഫ് ജവാന്‍മാരാണ് ജങ്ഷനില്‍ ട്രാഫിക് നിയന്ത്രിക്കുന്നത്. പള്ളിപ്പുറം ഡി.ഐ.ജി സര്‍ക്കാരുമായി നടത്തിയ നിരന്തര ചര്‍ച്ചയ്‌ക്കൊടുവില്‍ അന്നത്തെ ജില്ലാകലക്ടര്‍ ബിജുപ്രഭാകര്‍ ഇടപ്പെട്ടാണ് റോഡ് സുരക്ഷ വിഭാഗം ഫണ്ടില്‍ പതിനാല് ലക്ഷം അനുവദിച്ച തുക ചെലവിട്ട് സിഗ്‌നല്‍ സ്ഥാപിച്ചത്. പൂര്‍ണമായും സൗരോര്‍ജ്ജത്തിലൂടെയാണ് ട്രാഫിക് സംവിധാനം പ്രവര്‍ത്തിക്കുന്നത്.ട്രാഫിക് സംവിധാനം പ്രാബല്ല്യത്തില്‍ വരുന്നതോടുകൂടി ഈ ഭാഗത്ത് നിരന്തരം നടക്കുന്ന വാഹനഅപകടങ്ങള്‍ ഒഴിവാക്കാന്‍ സാധിക്കും.